မြော်လင့်ခြင်း မြန်မာပြည်လုံးဆိုင်ရာ သာသနာလှုပ်ရှားမူ ဗီဒီယို သတင်း_ 20241022_News
မြန်မာယူနီယံပြည်သူ့ရေးရာနဲ့ ဘာသာရေးလွတ်လပ်ခွင့်ဌာန ညွှန်ကြားရေးမှူး Pr. Teint Saung နဲ့ SSD PARL Director Pr. Nelson Paulo ဦးဆောင်သည့် PARL Evangelistic Meeting နဲ့ Convention ကို ၂၀၂၄ခုနှစ်၊ အောက်တိုဘာလ (၁၇) ရက်နေ့ Summit Parkview Hotel တွင် ပြုလုပ်ကျင်းပခဲ့ပါသည်။ ဤ convention တွင် SSD PARL Department မှ တာဝန်ရှိသူများ၊ မြန်မာယူနီယံမှ သိက္ခာတော်ရ ဆရာကြီးများ၊ အစိုးရတာဝန်ရှိလူကြီးမင်းများနှင့် အထူးဧည့်သည်တော်များ တက်ရောက်ခဲ့ကြပါသည်။
အရှေ့တောင်တိုင်းသာသနာ workers meetingကို ၂၀၂၄ခုနှစ်၊ အောက်တိုဘာလ (၁၄)ရက်နေ့၊ ထားဝယ်သာသနာနယ် ထီးဖဒိုတွင် ပြုလုပ်ခဲ့ပါသည်။ ဤ meeting တွင် The Living Hope Myanmar တတိယလှိုင်းအတွက် လုပ်ဆောင်ရမည့်အရာများ၊ ပြင်ဆင်ရမည့်အရာများကို ဆွေးနွေးခဲ့သည့်အပြင် သာသနာ့လုပ်ငန်းနှင့် သက်ဆိုင်သည့်အကြောင်းအရာများကို ဆွေးနွေးခဲ့ကြပြီး ထားဝယ်သာသနာနယ်ရှိ ကျောင်းဆရာ၊ ဆရာမများနှင့် အသင်းအုပ်ဆရာ၊ ဆရာမများ တက်ရောက်ခဲ့ကြပါသည်။
Women’s Evangelistice Meeting ကို ၂၀၂၄ခုနှစ်၊ အောက်တိုဘာလ ၁၅-၁၉ ရက်နေ့အထိ အလယ်ပိုင်းတိုင်းသာသနာ ကျောက်တိုင်အသင်းတော်တွင် ပြုလုပ်ခဲ့ပါသည်။ ဤ meeting ကို အလယ်ပိုင်းတိုင်းသာသနာ ကလေးနှင့် အမျိုးသမီးသာသနာဌာန ညွှန်ကြားရေးမှူး ဆရာမကြီး Daw June Naw မှ ဦးဆောင်ပြီး ကျောက်တိုင်အသင်းတော်ရှိ ဆရာ၊ ဆရာမများနှင့် အမျိုးသမီးများတက်ရောက်ခဲ့ကြပါသည်။