မြော်လင့်ခြင်း မြန်မာပြည်လုံးဆိုင်ရာ သာသနာလှုပ်ရှားမူ ဗီဒီယို သတင်း _ 20241007_News
ရန်ကုန်တိုင်း အမှုဆောင်တွေ့ဆုံပွဲကို ၂၀၂၄ ခုနှစ်၊ အောက်တိုဘာလ (၁) ရက်နေ့တွင် ရန်ကုန်တိုင်းဌာနချုပ်ရှိရာ သုခအသင်းတော်တွင် ပြုလုပ်ကျင်းပခဲ့ပါသည်။ ဤအစီအစဉ်တွင် The Living Hope 3rd Wave အတွက် ကြိုတင်ပြင်ဆင်မှုများနှင့် သာသနာလုပ်ငန်းစီမံကိန်းများအတွက် ဆွေးနွေးတိုင်ပင်ကြပြီး ရန်ကုန်တိုင်းတွင်ရှိသော officerများ၊ ညွှန်ကြားရေးမှူးများ၊ နယ်စီးများ၊ အသင်းအုပ်ဆရာ၊ ဆရာမများ ပါဝင်တက်ရောက်ခဲ့ကြပါသည်။
၂၀၂၄ ခုနှစ်၊ အောက်တိုဘာလ (၃)ရက်နေ့တွင် AYM EC Committee ကို ဧရာဝတီတိုင်းသာသနာ၊ မြတ်တိုအသင်းတော်တွင် ပြုလုပ်ခဲ့ပါသည်။ ဤအစီအစဉ်တွင် The Living Hope 3rd Wave နှင့် Care Group အတွက် ကြိုတင်ပြင်ဆင်မှုများနှင့် သာသနာလုပ်ငန်းစီမံကိန်းများအတွက် ဆွေးနွေးတိုင်ပင်ကြပြီး ဧရာဝတီတိုင်းတွင်ရှိသော officerများ၊ ရုံးဝန်ထမ်းများ၊ ညွှန်ကြားရေးမှူးများ၊ နယ်စီးများနှင့် ကျောင်းအုပ်ကြီးများ ပါဝင်တက်ရောက်ခဲ့ကြပါသည်။
အလယ်ပိုင်းတိုင်းသာသနာ၊ ၇၆ မိုင်အဖွဲ့ငယ်၏ အသင်းအုပ်ဆရာဖြစ်သည့် ဆရာဦးသန်းနိုင်စိုးမှ ဦးဆောင်ပြီး Pr. Victor Than၊ Pr. U Khin Maung Latt တို့နှင့်အတူ အောက်တိုဘာလ ၃ ရက်နေ့က စတင်ပြီး ဖဒိုသာသနာနယ်၊ ၉၆ မိုင်၊ ၆ ဖာလုံတွင် ကျမ်းစာသင်တန်းကို စတင်ပေးလျက်ရှိပြီး အနီးအနားတွင်ရှိသော မယုံကြည်သူများ၊ မိတ်ဆွေများလည်း သမ္မာကျမ်းစာကို လာရောက်လေ့လာကြပါသည်။